„Харт ван Недерланд“: Холанѓаните веруваат во прогресивниот план на Руте
Според истражувањето граѓаните најмногу ги радува отворањето на фризерските салони, но и отворањето на градините и дозволата за посети во домовите за стари лица.
Околу 70 проценти од Холанѓаните сметаат дека холандскиот премиер Марк Руте добро ја води земјата во справувањето со ширењето на корона вирусот, а една петтина од вкупно 2.000 испитаници сметаат дека Владата препано ја донела одлуката за олеснување на мерките.
Ова се податоците на истражувањето што го изработи „Харт ван Недерланд“, а ги објави порталот „НЛ Тајмс“.
Според истражувањето граѓаните најмногу ги радува отворањето на фризерските салони, но и отворањето на градините и дозволата за посети во домовите за стари лица.
Олеснувањето на мерките ќе оди постепено, а како што најави Руте, фризерските салони и салоните за убавина, како и основните училишта ќе бидат отворени на 11 мај, а од 1 јуни ќе почнат со работа повторно одредени железнички линии, рестораните и кината.