Гутереш: Коронавирусот и климатските промени се многу сериозни проблеми кои мора да бидат поразени
Главниот секретар на ОН, Антонио Гутереш денес предупреди дека светот не е на патот на којшто би требало да биде за да се исполнат климатските цели договорени во 2015 година.
– Во моментов сме далеку од целите растот на температурите да се огрнаичини на 1,5 или два Целзиусови степени според климатскиот договор од Париз – рече Гутереш.
Главниот секретар на Светската метеоролошка организација Петери Талас предупреди дека „само прашање на време“ е кога температурниот рекорд ќе биде срушен.
– Глобалното затоплување ќе продолжи ако продолжи пореметувањето на емисиите на гасовите. Неодамнешна прогонза покажува дека новиот годишен глобален температурен рекорд е веројатен во следните пет години -рече Талас.
Гутереш пак посочи дека не смее да се губи време, ако сакаме да спречиме климатска катастрофа.
Шефот на ОН рече дека коронавирусот и климатските промени се „многу сериозни проблеми“ кои мораат да бидат поразени.
– Важно е целото наше внимание, кое треба да се насочи на борбата против коронавирусот, да не не одврати од мерките против климатските промени – посочи Гутереш.
Додава дека намалувањето на емисиите на гасовите поради коронавирусот не смее да се прецени.
– Нема со вирус да се бориме против климатските промени – истакна Гутереш.