14 C
Скопје

Граѓаните не сакаат нови згради во Ѓорче, бараат да не се одобруваат ДУП

Иницијативата против урбано дивеење утре, точно напладне, ќе одржи предупредувачки протест со блокада на сообраќајот кај кружниот тек пред црквата „Св. Петар и Павле“ во Ѓорче Петров. Причината е што и покрај нивните барања да се повлече од дневен ред на седницата на Советот ДУП СЗ 15, тоа не е направено.

Поради тоа Иницијативата вчера поднесе барање за средба со министерот за транспорт и врски Благој Бочварски за да му посочат да не ги одобрува ДУП-овите што доаѓаат од Општина Ѓорче Петров.

-Причината за оваа средба е да ургираме до Министерството како надлежен орган да не ги прифаќа и одобрува ДУП што доаѓаат од Општина Ѓорче Петров поради сомнеж дека градоначалникот Наумоски има лични врски со урбаната мафија – рече Горан Костов од Иницијативата против урбано дивеење на вчерашната прес-конференција.

Тој појасни дека во Советот на Општината вчера е поминат ДУП СЗ 15, кој го опфаќа просторот  во непосредна близина до паркот во Ѓорче Петров и во него се  предвидени 17 нови згради со висина до 33 метри со вкупна бруто развиена површина од 138.918 м2 или 23.578 м2 градежна површина.

Прочитајте и...  ВИДЕО | Царовска: Сите земји во регионот користат комбиниран модел за чекор до целосна дигитализација во образованието

-Со овој ДУП се легализира и се отвора патот на онаа спорна зграда што треба да никне во самиот парк. Ова е еден од тие 25 ДУП кои Општината замислила да ги помине за наредните осум месеци. Урбаната мафија е до таа мера навлезена со влијанието во општината што функционираат како една единка – рече Костов.

Костов додаде дека се надеваат дека ќе наидат на слух кај министерот бидејќи, како што рече, со градењето на овие згради, се уништува живеењето на жителите на Ѓорче Петров.

Од Иницијативата против урбано дивеење прашуваат кога ќе престане ова „печатење“ урбанистички планови, како што се случи за Хром, Дексион-Јурија, а сега и за овој простор.

Прочитајте и...  ВИДЕО | Андоновиќ: Рекорден број на распоредени руски војници долж границата со Украина - најава за упад или заплашување?

Жителите од населбата Дексион, организирани во Иницијативата, во септември минатата година одржаа мирен протест и ја блокира главната улица кај Јурија во Општина Ѓорче Петров, против усвоениот ДУП СЗ 24, со кој се предвидува изградба на згради со височина и до 17 ката на овој простор. Тие бараа од Општината да го ревидира планот, да се намали градежниот габарит и катноста на зградите, но како што информираа, одговор од локалните власти до нив никогаш не стигнал.

Минатиот месец повторно побараа ревидирање на донесените ДУП, кои според нив се промовираат и презентираат крајно нетранспарентно. Тие обвинија дека во Општина Ѓорче Петров владее урбанистички хаос, дека се носат детални урбанистички планови што предвидуваат згради од 10, па и од 20 ката, без соодветна инфраструктура, што во иднина ќе го отежни животот на граѓаните во Општината.

Прочитајте и...  Уапсени грчки државјани за пренесување оружје и дрога од Македонија во Грција

Според Иницијативата, во Дексион ќе се гради седумнаесеткатница, во Хром 100 згради, а во ДУП СЗ 16 се предвидени 10-катници и 20-катници спроти пазарот во Ѓорче, на паркингот и покрај кружниот тек, дијагонално од Порта Влае. Притоа, како што тврдат, не се води сметка за инфраструктура, за паркинг-места и за зеленило.

Оттаму тогаш нагласија дека спорните згради уште не се започнати со градење, но деталните урбанистички планови се донесени, што значи дека ќе се даваат градежни дозволи.

– Многупати поднесувавме претставки во Општина Ѓорче Петров и баравме ревидирање на плановите, но оттаму нема ниту одговор ниту некаква реакција. Доколку се изградат зградите, дури тогаш ќе се соочиме со навистина реални проблеми, но тогаш ќе нема назад – потенцираа од Иницијативата.

Поврзани вести

Царовска: Родителот кој смета дека неговото дете нема да може да учи електронски ќе може да си го испечати учебникот

Слободен печат

Спасовски: Со координирана акција и активна меѓународна соработка до справување со глобалните безбедносни ризици

Слободен печат

Џорџ В. Буш ја критикува Републиканската партија на САД

Слободен печат

Социјалдемократите го слават денот на канабисот и жалат за бавната легализација

Слободен печат

Франција прва што ќе го тестира „ковид сертификатот”

Слободен печат

Министрите за надворешни работи на Г7 во мај ќе одржат состанок со физичко присуство

Слободен печат

Остави Коментар