Од почетокот на 2021 година, нивото на Преспанско Езеро е зголемено за 14 сантиметри и сега е на ниво 842.36 см.. Веста за зголемување на нивото на езерото ја сподели градоначалникот на Ресен, Живко Гошаревски преку неговиот Фејсбук профил.

– Секторот за животна средина на Општина Ресен, по извршените мерења ме информира дека од почеток на оваа година нивото на Преспанско Езеро се зголеми за 14 см., односно, сегашното ниво е 842.36 см. Тоа е добра вест, во година кога треба и институционално да започнат голем број активности за спас на нашето езеро, информира Гошаревски.

Минатиот месец, Преспанскиот регион го посети премиерот Зоран Заев кој соопшти дека Владата обезбедила првични 80 милиони денари за ревитализација на езерото, чие ниво беше многу намалено во однос на поросекот.