Ѓоковиќ не сака пари од обложувалници – Слободен печат
ОстанатoСпорт

Ѓоковиќ не сака пари од обложувалници

Првиот тенисер на АТП ранг листата одби милионски суми за да ги рекламира најголемите светски обложувалници.

Новак Ѓоковиќ одби да биде заштитно лице и да ги рекламира најголемите светски обложувалници бидејќи не сака да праќа лоши пораки на милиони луѓе на кои им е спортски идол. Тој неодамна одбил понуда тешка неколку милиони евра од најверојатно најголемата обложувалница на светот.

Ѓоковиќ како прв тенисер на АТП ранг листата постојано е на мета на обложувалниците и досега дури три пати ги одбил таквите понуди. Според тенисерот, поважно му е со кого соработува, а сумата не е пресудна.

– Барам партнери и спонзори кои се општествено одговорни. Спозорството за мене отсекогаш претставувало еден вид на партнерство. Мора да постои компатибилност, инаку не можеме да функционираме заедно. Имам свои лични ставови, уверувања, погледи на светот и здрав начин на животот. Доколку некоја компанија која сака да соработува и нема идентични идеи и размислувања, тогаш не сакам да соработуваме. За мене финансиите се во втор план на тоа поле бидејќи сите заедно праќаме порака до младите ширум светот и затоа не сакам да соработувам со секого – изјави Ѓоковиќ неодамна на прашање поврзано со спонзорите.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close