Екстремно десничарската владејачка партија во Италија доби наредба да плати отштета на истополов пар од Канада затоа што искористиле фотографија од нив со новородениот син без нивна согласност во кампања против сурогат мајчинството.

Би Џеј Барон и Френки Нелсон го пречекале својот син Мило со помош на сурогат мајка во 2014 година, пишува „Би-Би-Си“. Фотографијата направена од тој момент станала вирална, но потоа била искористена од партијата Браќа на Италија во 2016 година.

На партијата и е наложено да му плати на парот по 10.000 евра.

На партијата и беше наложено да платат за „навредлива употреба на нивниот имиџ“ откако италијанската ЛГБТ адвокатска фирма Геј Лекс го презеде случајот. Од партијата се жалат на одлуката.

Италијанската премиерка Џорџа Мелони ја предводи најдесничарската влада од Втората светска војна.

Браќа на Италија е директен политички потомок на италијанското социјално движење, кое било формирано од членовите на Фашистичката партија на Мусолини по војната.

Во март, тие му наложија на градскиот совет на Милано да престане да ги регистрира децата на истополовите родители, што доведе до протести.

„Ова е мала победа за нас, но е огромна победа за ЛГБТИ+ заедницата во Италија и во странство. За нас, нашата фотографија од раѓањето претставува сè за што се залагаме; семејство, прифаќање и безусловна љубов“, изјави парот за Би-Би-Си.

„Оваа победа против партијата и премиерката ни овозможува да ја вратиме нашата фотографија и да му покажеме на светот дека семејството е за љубов“ додадоа тие.

Фотографијата, направена од Линдзи Фостер, била искористена без дозвола и од независната ирска политичарка Мери Фицгибонс во 2016 година за да ја поттикне нејзината платформа против сурогат мајчинство за истополови родители.