Франк де Бур е светски рекордер, доби отказ по само три натпревари
Тоа што беше одличен фудбалер, не мора да значи дека ќе биде успешен и во тренерската кариера.
Холанѓанецот Франк де Бур како тренер е далеку од успесите кои ги оствари како фудбалер, и стана рекордер во брзо добивање откази.
Во Интер доби отказ по само 14 натпревари, во Кристал Палас по само пет, а во Атланта јунајтед се задржа дури 55 натпревари. Но, доколку се погледне колку кола од првенството му беа потребни на Де Бур да добие раскин на договорот – тој е нов рекордер. Холанѓанецот е отпуштен по третото коло од стартот на новата МЛС сезона.
Атланта во минатата сезона беше втор најдобар тим на Истокот и играше во полуфиналето на плеј-офот каде загубија од Торонто со 2:1, но кога екипата ова лето во новата сезона се врати на официјалните натпревари и доживеа три порази без ниту еден постигнат гол, Франк де Бур доби отказ.
