Погледот кон римскиот Колосеум, додека туристите се возат во новиот стаклен и панорамски лифт, ќе биде своевиден спектакл кој ќе ве остави без зборови.

Новиот лифт го поврзува првото ниво на амфитеатарот Флавио со средната галерија помеѓу второто и третото ниво.

„Колосеумот е симбол на италијанското културно наследство ширум светот. Затоа е важно да се гарантира пристапност до ова фантастично место, бидејќи тоа ја претставува нашата визит-карта во светот“, изјави министерот за култура Џенаро Сандуљано, за време на пуштањето во употреба на лифтот, кој на посетителите ќе им овозможи фантастичен поглед.

Лифтот беше свечено отворен со музиката на италијанскиот кинематографски оркестар, кој ги изведе делата на оскаровецот Ханс Цимер.

„Сите посетители ќе можат да уживаат во уште една фантастична глетка под римското небо“, изјави директорката на археолошкиот парк Колосеум, Алфонсина Русо.

Благодарение на лифтот, дури и лицата со посебни потреби ќе можат да уживаат во погледот на најпознатиот амфитеатар во светот.

Al #Colosseo inaugurato il percorso di fruizione e accessibilità con la presentazione del nuovo ascensore di collegamento alla galleria intermedia e ai livelli superiori fino all’attico. pic.twitter.com/KBBnGl4g09

— askanews (@askanews_ita) May 31, 2023