Туристите се подготвени на сè за да направат совршена фотографија или „селфи“. Исто како и туристот од Германија, кој качувајќи се на познатата статуа на Нептун во Фиренца, ја оштетил и поради таа причина ќе треба да плати огромна казна, пишува „Итали њус“.

Германскиот 22-годишен државјанин, од Берлин се качил на статуата во фонтаната на Пјаца Сињорија во Фиренца, стигнал до самата основа на кочијата и притоа ја оштетил ногата на еден од коњите.

Questo turista ha pensato bene di salire sul Nettuno per un selfie. Per fortuna nessun danno, il sistema di allarme ha funzionato. Grazie alle telecamere del Comune è stato individuato e pagherà una multa salata. Contro il vandalismo sui beni culturali non ci sono giustificazioni pic.twitter.com/QVvBNYaygI

— Dario Nardella (@DarioNardella) September 4, 2023

„Овој турист мислеше дека е добра идеја да се искачи на споменикот на Нептун за „селфи“. За среќа, не го оштети премногу, бидејќи се вклучи алармот. Благодарение на општинските камери успеавме да го откриеме неговиот идентитет и ќе ја плати казната. Нема оправдувања за вандализам кон културните добра“, напишал градоначалникот Дарио Нардела на Твитер.

Туристот бил пријавен по член 518 од Кривичниот законик во Италија, со кој се воведени нови одредби за „уништување, валкање и незаконско користење на културни или пејзажни добра“.

Увидот што го извршиле експерти од организацијата „Фабрика ди Палацо Векио“, задолжени за одржување, реставрација и зачувување на палатата, покажале дека фонтаната претрпела оштетувања поради тежината на туристот кој ја згазнал.

Штетата била проценета на околу 5.000 евра, кои како казна сега ќе ги плати туристот.