Рубен Дијас е избран за играч на годината во Англија според изборот на Асоцијацијата на фудбалски новинари.

Дијас е првиот одбранбен играч кој дојде до оваа награда уште од 1989 година кога признанието заврши во рацете на Стив Никол, тогаш член на Ливерпул.

Оттогаш воглавно играчи од средниот ред и напаѓачи беа прогласувани за најдобри. Од фудбалерите со дефанзивна ориентација, Нголо Канте беше лауреат во 2017 година, но сепак е играч за врска, додека после него наградата ја освоија Салах, Стерлинг и Хендерсон.

Manchester City’s Rúben Dias has been named football writers’ player of the year, the first defender to win the award since 1989 https://t.co/kKo6SVrxgW

— Guardian sport (@guardian_sport) May 20, 2021

Овојпат, Дијаз дојде до признанието, а тоа претходно не им успеа на врвни искусни дефазнивни имиња како Рио Фердинанд, Немања Видиќ, Џон Тери, Вирџил ван Дајк, и др.

Ова е трето признание за Португалците, претходно двапати Кристијано Роналдо во 2007 и 2008 година беше добитник на наградата.

Англиските играчи добија вкупно 38 признанија, Шкотска има девет, Франција седум, Северна Ирска четири, по три Холандија, Велс и Португалија.