Во сериозна сообраќајна несреќа што се случи на патот Пореч – Вишњан денес попладне, загина 70-годишна жена, соопшти полициската управа на Истра. Несреќата се случила во 17,35 часот.

Возачот на автомобилот „пежо“, преминал на левата страна од патот и се судрил директно со автомобил „нисан“ управуван од 70-годишна жена, која починала на местото на несреќата.

Возачот на „пежото“ е повреден и пренесен во Општата болница во Пула, каде му се измерени 1,67 промили алкохол во крвта.

Околностите за несреќата ќе бидат познати по завршувањето на истрагата која сè уште е во тек. Ова е петнаесетто лице кое е загинато годинава на патиштата на округот Истра.