На српската водителка Деа Ѓурѓевиќ, по страотната сообраќајна несреќа, во која автобус ѝ ја откина раката, ѝ требало долго време да се опорави, а поради операциите се здебелила неколку килограми.

Таа сега откри дека успеала да ослабне дури 30 килограми и со тоа ја вратила посакуваната тежина.

– Благодарение на лекарите од Военомедицинската академија ослабнав неверојатни 30 килограми. Тим од тројца лекари ми направија специјално мени до кое строго се придржувам. Внимавам што земам од намирниците и сега се чувствувам одлично. По операциите на раката, се здебелив и имав 83 килограми, а сега имам 53 – рекла Деа.

Водителката го открила и менито коешто сега го практикува за да го задржи сегашниот изглед.

– Имам три оброци и две закуски. За појадок земам двопек, сирење или јајца и сезонска салата. Мојот ручек се состои од варено јадење или риба, а за вечера јадам месо на скара. Помеѓу оброците имам две закуски и тогаш јадам по едно јаболко – изјавила Деа за медиумите.

„Кога си на работ да изгубиш сѐ, многу повеќе го цениш она што го имаш. Ја ценам својата рака, без оглед на сѐ. Секој треба да ги сака своите лузни. Толку многу луѓе во светот постојат кои своите лузни ги носат гордо, зошто да не ги носам и јас така? Ми кажаа дека можам ласерски да ги отстранам, но навистина не гледам потреба за тоа. Важно е што сѐ е функционално. Најголема лузна имам на бутот, од кој ми ја отстранија кожата, но за неколку месеци сѐ ќе помине. Другите ќе останат мои за цел живот. Овие на раката се големи, но не ми пречат. Моите лузни се симбол за мојата победа“, изјави Деа во 2019 година.