ФОТО | Принцот Чарлс ѝ „чувал“ грб на саканата Камила: Плаќал телохранители и пред да стапат во брак
Кралското семејство периодов е во „торнадо“ од драми и скандали и сагата очигледно има продолженија. Последно беше проблематичното појавување на премиерот Борис Џонсон на забава ноќта пред погребот на принцот Филип, кога Велика Британија имаше изречено најстрога изолација.
И принцот Хари не остана покус – имаше жестока дебата во Кралството по неговата изјава дека му е страв да ги донесе Меган Маркл и децата во Велика Британија, барајќи полициска заштита, но и дека ќе плати за истото додека престојуваат во родната му земја. Тој и Меган го загубија правото на полициска заштита затоа што се повлекоа од кралските должности и се преселија во САД.
Но, платеното обезбедување сега е тема на британските медиуми, кои открија досега непознат факт!
Тоа е дека принцот Чарлс плаќал приватно обезбедување за Камила, неговата сегашна сопруга, која не е баш омилена личност во Англија, откако се откри дека тој имал афера со неа додека беше во брак со покојната принцеза Дијана. По смртта на Дијана, тие се венчаа на скромна свеченост, но Камила никогаш не доби доволно симпатии од јавноста.
View this post on Instagram
Камила, сега со титула војвотка од Корнвол, имала платено обезбедување од 2000 година, кога не беше во брак со принцот Чарлс. Тие се венчаа во 2005, а според извештај од 2002 година, Чарлс лично им плаќал на двајца телохранители кои работеле по осум часа дневно.
View this post on Instagram
