ФОТО | Прекрасна трудница: Блејк Лајвли и Рајан Рејнолдс ќе станат родители по четврти пат
Блејк Лајвли и Рајан Рејнолдс, кои важат за еден од најубавите парови во Холивуд, ќе станат родители по четврти пат.
Лајвли вчера присуствуваше на годинашното 10. издание на „Forbes Power Women’s Summit“, настан посветен на успешните жени во светот на бизнисот.
Убавата актерка продефилира на црвениот тепих во краток златен фустан на модната куќа „Валентино“, но тоа што го привлече вниманието на присутните беше нејзиното трудничко стомаче.
Лајвли и Рејнолдс се запознаа за време на снимањето на филмот „Зелениот фенер“ во 2010 година. Тие ја започнаа својата љубовна врска во октомври 2011 година, а стапија во брак на 9 септември 2012 година.
Тие веќе имаат три ќерки – седумгодишната Џејмс, петгодишната Инез и двегодишната Бети. Двојката не крие колку им е важен семејниот живот и дека целат кон тоа нивните деца да имаат нормално детство.
„Сакам моите деца да имаат нормален дневен распоред. Кога Блејк снима, јас се грижам за децата и обратно. На тој начин правиме компромиси. Никогаш не сме работеле во исто време“, Рајан откри во едно интервју.
