ФОТО: Најдобрите македонски фудбалери тренираа на стадионот „Олимпико“ во Рим
В петок најдобрата македонска фудбалска репрезентација ќе игра против Италија од 20.45 часот во рамките од квалификациите за ЕП 2024.
Нашиот селектор Благоја Милевски вели дека утрешниот меч е посебен и дека за позитивен резултат неговите играчи ќе мора да одиграат на највисоко можно ниво.
Македонските фудбалери тренираа на стадионот „Олимпико“ во Рим каде што ќе се игра натпреварот, а како што најавија од италијанската фудбалска федерација продадени се до сега 47.000 илјади билети, а сигурно се очекува бројот на гледачи да се зголемува до стартот на натпреварот.
Покрај резултатот 1:1 во Скопје од овој квалификациски циклус, Македонија и Италија имаат одиграно меѓу себе уште три натпревари.
Во квалификациите за СП 2018 дома бевме минимално поразени со 2:3, а во Торино ремизиравме 1:1. Во баражот за СП 2022 во Палермо триумфиравме со 1:0.