ФОТО | На 90 години: Американка дипломирала 71 година по запишувањето на факултет
Американката Џојс ДеФау во 90-тата година од животот конечно ја зеде дипломата во свои раце, дури 71 година откако се запишала во прва година на факултет.
Џојс ДеФау, потоа Џојс Виола Кејн, ја започнала првата година на Универзитетот во Северен Илиноис во 1951 година со планови да стекне диплома по економија.
Меѓутоа, тие планови се промениле кога ДеФау го запознала својот прв сопруг во црква, рекла таа за „Си-ен-ен“.
„Одев на училиште три и пол години, но решив да се откажам откако го запознав“, изјавила Џојс.
Returning to NIU in 2019 with her original 1951 student ID in hand, 90yo Joyce DeFauw will walk the stage at this weekend’s commencement, earning her degree seven decades in the making.
For more of Grandma Joyce’s inspiring story, visit: https://t.co/nFhsD9YydE#HuskiePride pic.twitter.com/qEifAQeCjS
— NIU (@NIUlive) December 5, 2022
Нејзиниот сопруг се викал Дон Фриман. Двајцата се венчале во 1955 година и имале три деца пред да почине Фримен, оставајќи ја вдовица околу пет години. ДеФау на крајот повторно се омажила за вториот сопруг, Рој ДеФау. Заедно добиле шест деца, вклучително и два пара близнаци.
Со текот на годините нејзиното семејство се зголемило и таа сега има 17 внуци и 24 правнуци. Во 2019 година, ДеФау покажа интерес за факултетското образование што го оставила зад себе.
„Претпоставувам дека спомнав дека сум вознемирена што не го завршив училиштето и моите деца ме охрабрија да се вратам“, рекла таа, па повторно се запишала на Универзитетот и почнала да посетува настава.
Great grandmother Joyce Defauw graduated from Northern Illinois University at ninety. After putting college on hold to raise her family, she decided to complete her degree after seventy years. @linseydavis reports. https://t.co/wIixdvTF1Y pic.twitter.com/MgHRDFwIMD
— World News Tonight (@ABCWorldNews) December 12, 2022
Членовите на нејзиното семејство ѝ биле поддршка, а наместо да оди до кампусот за да посетува настава, таа го правела тоа преку онлајн од својата соба.
„Тоа беше мојот прв компјутер“, рекла ДеФау, „моите деца мораа да ме научат како да го користам“.
„Имаше моменти кога сакав да се откажам, но не го сторив тоа“, рекла ДеФау, па открила дека и директорката за основни студии, Џуди Сантакатерина, исто така ѝ била од голема помош.
ДеФау посетувала по еден час секој семестар, вклучително и во текот на летото. Сега, три години подоцна, таа добила диплома за основни студии на Универзитетот.
Таа истакнува дека е благодарна што имала можност да се врати на училиште и да стекне диплома: „Убаво е да завршиш нешто што си го започнала“, рекла таа и ги советувала другите: „Не се откажувајте, знам дека може да биде тешко, но сè во животот има свои подеми и падови“.