Поп-кралицата Мадона се прости од нејзиниот постар брат Ентони Чиконе, кој почина во неделата на 66-годишна возраст.

Таа му оддаде почит на својот починат брат, сеќавајќи се на неговта мудрост, неговите омилени писатели и музичките препораки кои ѝ ги давал на својата сестра.

„Ти благодарам што ме восхитуваше уште коа бев девојче, запознавајќи ме со Чарли Паркер, Мајлс Дејвис, будизмот, таоизмот, Чарлс Буковски, Ричард Бротиган, Џек Керуак, и експанзивното размислвање без ограничувања“, напиша Мадона, во своето сеќавање на Ентони.

Во сликата која ја постираше во понеделникот наутро, Мадона е во друштво на повеќе луѓе, меѓу кои е и нејзиниот брат Ентони.

Како потсетување, Ентони долго време се бореше со алкохолизмот, а пред повеќе од десет години беше објавено дека со години живее под мост во Мичиген и дека неговото семејство престанало да му помага.

Мадона, која е родена во Мичиген од родители католици, пораснала во предградијата на Детроит со пет браќа и сестри, од кои најстариот бил Ентони, роден две години пред неа во 1956 година.

Иако Мадона се преселила во Њујорк во 1978 година за да се занимава со танц и да се впушти во она што прерасна во исклучително успешна кариера, Ентони главно живеел во Мичиген, работејќи одвреме-навреме за нивниот татко, пред да стане жртва на алкохолизам и бездомник.

Братот на Мадона доаѓаше во судир со законот, па во 2013 година се здоби со повреди откако се спротивстави на апсењето во јавен тоалет кога е и направена оваа фотографија.

Ентони Чиконе јавно ја обвини својата сестра Мадона и другите членови на семејството дека го напуштиле. Мадона му помагала на различни начини и му го платила престојот на рехабилитација во Тексас.