ФОТО | Катарина Ивановска и Перо Антиќ заедно на премиерата на „Кајмак“
Пред повеќе од една година нашиот модел и актерка Катарина Ивановска и поранешниот кошаркар Перо Антиќ беа во центарот на вниманието на македонската јавност откако споделија заедничка фотографија на социјалните мрежи. Додека едни шпекулираа дека Ивановска и Антиќ веќе некое време се во емотивна врска, други тврдеа дека станува збор за чисто пријателство.
Својот приватен живот не сакаат да го експонираат, но последните заеднички фотографии се доказ дека Перо и Катарина уживаат еден покрај друг. Парот, вчеравечер продефилира на црвениот килим по повод македонската премиера на „Кајмак“, седмиот филм на реномираниот режисер Милчо Манчевски.
Дел од актерката екипа се и блиски пријатели со Кики, особено нашата позната актерка Ана Стојановска. Двете дами совршено стилизирани позираа пред фоторепортерите.
„Горда на мојата другарка Ана Стојановска“ – напиша Ивановска на својот инстаграм – профил споделувајќи фотографии со актерката.
Иако поголемиот дел од времето го посветуваат на своите деца, очигледно Кики и Перо секој слободен момент го користат да го поминат времето заедно.
ГАЛЕРИЈА | Седмиот филм на Милчо Манчевски: „Кајмак“ премиерно прикажан пред македонската публика