ФОТО: Ѓоковиќ е најдобриот во историјата – Британците го најавија финалето на „Вимблдон“
Нешто повеќе од еден месец после полуфиналето на „Ролан Гарос“, Новак Ѓоковиќ и Карлос Алкараз повторно ќе се соочат еден против друг. На последниот меѓусебен меч Србинот беше подобар од Шпанецот со резултат 3:1 во сетови 3:6, 7:5, 6:1 и 6:1.
Новак Ѓоковиќ и Британците никогаш до сега не беа во најдобри односи, па не е чудно што ги бараат сите начини да ги „оспорат“ резултатите на српскиот тенисер.
А сега пред финалето в недела од 15.00 часот Британците го променија мислењето за Ѓоковиќ. Вака „Би-Би-Си Спорт“ го најави мечот: „Најдобриот на сите времиња против ѕвездата во подем. Кој ќе ја освои круната на Вимблдон?“
Алкараз нема дилема кој има предност пред финалната битка и кој ќе биде поблиску до победата.
Ѓоковиќ в недела ќе се обиде да ја освои петтата титула во низа во Лондон, осма севкупно, и рекордната 24 грен слем титула.
– Сите знаат дека Новак е главен фаворит, па дури и јас. Знам дека е фаворит, ги освои последните четири турнири на „Вимблдон“, бара петти по ред, тука е во серија од 34 меча без пораз, тоа е нешто неверојатно. Ќе се обидам да не размислувам за тоа, за целата статистика овде на „Вимблдон“. Ќе се однесувам како да е само уште еден меч како и секој друг што сум го одиграл, ќе се обидам да дадам сè од себе и да најдам начин да го победам – вели Алкараз.
🏆 GOAT meets rising star ✨
Who will take the #Wimbledon crown? 👑 pic.twitter.com/3iuBbZ0TtD
— BBC Sport (@BBCSport) July 14, 2023
