Шпанската инфлуенсерка Георгина Родригез секогаш знае како да го привлече вниманието со своите модни избори, а тоа го направи и на црвениот тепих на годинашното издание на Венецијанскиот филмски фестивал.

Партнерката на фудбалерот Кристијано Роналдо пристигнала во сензационална црвена креација од швајцарската модна куќа „Ветмо“.

Убавата Шпанка го искомбинирала долгиот црвен фустан со високи бели ракавици и сребрено ланче. Но, она што отвори дискусија меѓу љубителите на модата е нејзиниот избор на чевли – лакирани чизми со платформи и вртоглаво високи потпетици.

Според многумина, тие биле во целосен контраст со горниот дел од комбинацијата и, едноставно, не одговарале во целата модна приказна.

Земајќи го во предвид фактот дека Родригез, веројатно, сакала на овој начин да додаде неколку сантиметри висина за целосно да го покаже фустанот, многумина сметаат дека има многу подобри опции.

„Георгина ми делуваше прекрасно, сè до моментот кога го крена фустанот и ги покажа чевлите“, „Елегантни бели ракавици со лакирани чизми? Ве молам, поштедете ме од ова!“, „Ужасна комбинација, чизмите уништиле сè“, се дел од коментарите на социјалните медиуми.

ФОТО | Роналдо и Георгина Родригез го прославија шестиот роденден на близнаците