Македонскиот репрезентативец Филип Талески одлучи да ја продолжи својата кариера во редовите на португалската Бенфика.

Португалскиот клуб денеска и официјално го промовираше нашиот 27-годишен лев бек Филип Талески.

Талески до сега ги бранеше боите на РК Вардар 1961, а претходно беше дел и од Балинген-Веилстетен, Рајн-Некар Левен и скопски Металург.

За Бенфика вели дека е еден од најдобрите ракометни клубови во светот.

– Многу сум среќен што ќе играм во Бенфика. Бенфика е еден од најдобрите клубови во светот. Од моја страна, ќе го дадам максимумот за клубот, во исполнувањето на нашите цели. Ова е голем град и голем клуб. Зборував со моите колеги Никола Митревски и Борко Ристовски (екс играчи на Бенфика). Ми кажаа сè за клубот. Професионален клуб, и секоја година се бори да ја освои лигата. Знам дека Бенфика има голем број на навивачи и важно е на секој натпревар да ја добиваме поддршката – се зборовите на Талески.