ФОТО | Џенифер Анистон во секси издание на насловната на „Си-ар фешн бук“
Американската актерка Џенифер Анистон ја краси насловната страница на октомврискиот број на модното списание „Си-ар фешн бук“.
Во разговорот со новинарката Натали Шукур, таа проговори за нејзината коса, која е нејзин препознатлив визуелен печат, за нејзината нова козметичка линија за коса „ЛолаВи“, за животниот стил и за начинот на којшто ја одржува својата витка линија, но и за нејзините идни планови во актерската кариера.
Анистон, која со својата култна фризура од ситкомот „Friends“ ги дефинираше деведесеттите години, откри дека козметичката линија за коса се создавала со децении.
„Сите производи што ги користев во текот на мојот живот, дома или на работа, беа дел од истражувањето и развојот за ‘ЛолаВи’“, сподели таа при разговорот.
За потребите на едиторијалот, Анистон позираше пред објективот на еминентната фотографка Зои Гросман.
Главната уредничка Карин Ројтфелд се погрижи за модните комбинации на актерката, меѓу кои најмногу впечаток остава онаа со кроп-топ кошула, отмен црн градник, кравата и црни панталони.
ВИДЕО | „Изгледа неверојатно на 54 години“: Џенифер Анистон покажа дека сѐ уште е во одлична форма