Пејачката Деми Ловато, последниве години отворено зборува за проблемите со исхраната со кои се борела во минатото. Ловато на социјалните мрежи постојано споделува мотивирачки фотографии, со цел да ги охрабри своите пријатели и обожаватели отворено да зборуваат за работите кои ги мачат.

Во најновата серија фотографии кои ги објави на својот Инстаграм профил, Деми ги покажа своите стрии кои ги покрила со светки.

„Јас сум толку благодарна и за прв пат искрено можам да кажам дека мојот лекар ме погледна и ми рече: – Вака изгледа закрепнувањето од нарушување во исхраната. Во чест на мојата благодарност за местото на кое се наоѓам денес, би сакала да ги покажам стриите што ги имам, наместо да се срамам од нив. Почнав да им ставам светки со цел да го славам моето тело и неговите одлики. Моите стрии не исчезнуваат, па затоа им додадов уште повеќе сјај“, напиша пејачката.

„Ова нека биде потсетник за сите. Мора да верувате во себе. Оваа година беше тешка. Бидете нежни кон себе ако се лизнете не заборавајте дека мора да се вратите на вистинскиот пат…“, додаде таа.

Деми не крие дека со години се бори да го зачува своето ментално здравје. Во текот на 2018 година, таа речиси го допре дното од предозирање. Потоа се повлече од јавниот живот, со цел да работи на себе. Сега постепено се враќа на музичката сцена.

Поради нарушувања во исхраната и самоповредување, таа за прв пат била хоспитализирана кога имала 18 години.

Споделувајќи го своето искуство, проблеми и пред сè лична борба, таа им помага на луѓето кои се соочуваат со истите проблеми, давајќи им надеж дека ќе биде подобро и дека не се сами во ова.