Над илјада документи на ЦИА за неидентификувани летечки објекти се достапни да се симнат од интернет.

Документите се објавени онлајн благодарејќи на сајтот Блек волт, кој го води Џон Гринвалд Џуниор, активист посветен на слобода на информациите.

Архивата која може да се симне од интернет е резултат на напорите на Гринвалд, кој поднесе дури 10.000 барања за пристап на информации од јавно значење и кој рачно скенираше повеќе од 2,2 милиони страни, кои сега се достапни на пошироката јавност, така што можат да се превземат од интернет.

1/ In this CIA #UFO document, the Assistant Deputy Director for Science & Technology (A/DDS&T) was shown SOMETHING related to a UFO that was hand carried to him. He decided he would personally look into it, and after, he gave advice on moving forward. That advice is classified. pic.twitter.com/PyVEr3zCny

— ?? T̷h̷e̷ ̷B̷l̷a̷c̷k̷ ̷V̷a̷u̷l̷t̷ ?? (@blackvaultcom) January 8, 2021

Некои извештаи на ЦИА за НЛО се стари со декади и американската разузнавачка агенција тврди дека тоа се што има во архивата за неидентификуваните летачки објекти. Меѓутоа, Гринвалд наведува дека таквото тврдење на ЦИА не може да биде потврдено.

Документите се објавени пред истекот на рокот кој со закон е даден од државните органи за објава на извештаите за НЛО. Тие содржат бројни сведочења за необјасниви контакти, но бројни детали се скриени.

Гринвалд тврди дека ЦИА не била расположена за соработка кога станувало збор за неговите барања и дека дури и технички се обидувале да му отежнат преземање на документите.