-0.3 C
Скопје

Филипче: „Полициски час“ нема да донесе ништо, есенскиот пик на вирусот е зад нас

Ситуацијата со активните случаи на ковид-19 во Македонија е стабилна, преземените мерки давале резултати, па затоа и воведување на дополнителни нема да променат нешто, ниту, пак, „полициски час“. Ова е став на министерот за здравство, Венко Филипче, кој го истакна при добивање на норвешката донација на 13.500 брзи тестови за вирусот, додавајќи дека есенскиот пик е зад нас.

– Евидентно е дека сме на едно плато. Пред една недела или нешто повеќе, беше регистриран најголемиот број на случаи, во еден ден имавме 1.400 и од тогаш бројката лесно се намалува, а ние тоа го чувствуваме и со притисокот кон болниците. Сега сметаме дека потреба да се препорачува ништо друго и да објаснам зошто. Полициски час по 21 часот навечер практично сметаме дека нема ништо да донесе, нагласи првиот човек на здравство.

Прочитајте и...  Виц на денот: Вежбање

Во врска со предупредувањата на дел од истакнати лекари и професори дека прекумерна употреба на лекови чија комбинација може да има сериозни, па и фатални последици по организмот, Филипче тврди дека медицинскиот персонал во ковид центрите низ земјата постапува согласно протоколите и препораките, а третманот на пациентите е во зависност од индивидуалната клиничка слика.

– Да не се пијат антибиотици неконтролирано. Има сосема доволна количина лекови за третман на пациенти со ковид-19. Ова не е болест за која има еден специфичен лек, истакна во тој контекст министерот за здравство.

Тој рече дека огромен број на клинички студии се прават и сè уште нема еден лек за третман на болеста.

– Станува збор за комбинација на лекови. За секоја од комбинациите е потребно да се погоди тајмингот и индикацијата врз основа на анализите. Од клиниката слика, од манифестацијата и од анализите на крв на белите дробови, итн., зависи каква терапија ќе биде препишана на пациентот, како на примарно ниво, така и во болнички установи, рече Филипче, одговарајќи на новинарско прашање по примопредавањето на донацијата од 13500 брзи тестови за државава од Кралството Норвешка во кругот на Воено-медицинскиот центар во Скопје.

Прочитајте и...  Откриено со кој светски лидер Бајден ќе го одржи првиот официјален разговор

Тој рече дека професорот Никола Пановски од Институтот за микробиологија укажал на случај во кој се препишани поголем број антибиотици и им испратил документи што ќе ги испитаат.

– Сакаме да видиме дали за тоа имало индикации и Државниот санитарен и здравствен инспекторат ја направи таа анализа. Станува збор за случај од околината на Струга. Денеска го замолив професорот да направи консултација со нашите експерти од Клиниката за пулмологија во врска со препишувањето на антибиотиците. Верувам дека некои од овие прашања ќе се расчистат, нагласи Филипче.

Поврзани вести

Фон дер Лајен: Западен Балкан ќе ги добие ветените вакцини најбрзо што може

Слободен печат

Лидерите на ЕУ заклучија: Границите остануваат отворени, но се воведуваат рестрикции за патувањата

Слободен печат

Зошто Твитер трајно го суспендираше профилот на Трамп: Хронологија на сите навреди во последните 6 години

Слободен печат

Швајцарија веќе нема да биде неутрална? Државата покрена кампања после која ништо нема да биде исто

Слооден печат

Фолскваген може да заработи казна од над 100 милиони евра за неисполнување на целта на ЕУ за емисија на гасови

Слободен печат

Бајден: Следниот месец во САД ќе има 500.000 починати од ковид-19

Слободен печат

Остави Коментар