Филипче: Денеска пристигнаа нови 11.700 дози од вакцината на ,,Фајзер”

Фото: Слободен печат. / Драган Митрески

Попладнево пристигнаа нови 11.700 дози од вакцината на производителот ,,Фајзер”, објави на својот фејсбук профил министерот за здравство Венко Филипче. Тој апелира до сите граѓани да се пријават за вакцинација.

-Попладнево пристигнаа нови 11.700 дози од вакцината на производителот ,,Фајзер” од кои 7020 се преку директни преговори со производителот, а 4680 дози се од ЕУ што ги обезбедува како помош преку трилатерални договори во рамките на програмата „Тим Европа“ (Team Europe). Оваа програма за поддршка во снабдувањето вакцини за Западен Балкан ја координира Австрија. Количините на вакцини постојано се дополнуваат, апелирам сите граѓани да се пријават за вакцинација на www.vakcinacija.mk

Видео на денот