Фернандо Алонсо минатата година по трката во Абу Даби ја напушти Формула 1, откако зад воланот на Мекларен го освои 11. место во генералниот пласман.

Двојниот шампион кога си заминуваше не кажа збогум туку најави дека многу брзо ќе се врати во Ф1, а сега призна дека тоа ќе биде во сезоната 2021 кога ќе има 40 години.

– Мислам дека 2021 година е идеална за моето враќање во Ф1 шампионатот. Тоа нема да биде идната сезона бидејќи ќе важат истите правила како и досега, а токму тоа беше и причината за моето заминување. Затоа 2021 година кога ќе има промена на правилата е вистинската можност за кам-бек – порача Алонсо.

Шпанецот идната година планира да настапи на релито Дакар и на легендарната трка Инди 500.

– На последната трка во Ф1 на болидот пишуваше „Hasta luegо# (се гледаме), а не „Adios“ (Збогум) бидејќи планот ми е да се вратам – вели Алонсо.