Фернандеш останува „ѓавол“, потпиша нов договор со Јунајтед
Тоа што се најавуваше изминаните неколку дена, денеска стана и официјално, Бруно Фернандеш потпиша нов договор со Манчестер јунајтед.
Португалскиот репрезентативец со новиот договор се обврза дека на „Олд трафорд“ ќе остане до 2026 година, со опција договорот да се продолжи за уште една година. Со новиот договор, Фернандеш ќе заработува 14 милиони евра годишно и ќе биде меѓу најдоброплатените фудбалери на Манчестер јунајтед.
– Уште од првиот момент кога пристигнав во Јунајтед имам посебен однос со клубот и со навивачите. Пораснав гледајќи го овој тим и сонував еден ден да играм за Јунајтед. Сонот ми се отвари и горд сум поради тоа – изјави Бруно Фернандеш по потпишувањето на договорот.
Португалецот на „Олд трафорд“ пристигна во јануари 2020 година од Спортинг Лисабон и досега одигра 117 натпревари за Јунајтед на кои постигна 49 гола и има уште 39 асистенции.
Bruno is here to stay! 😍🔒#MUFC | @B_Fernandes8
— Manchester United (@ManUtd) April 1, 2022