Во петтото коло од Првата македонска фудбалска лига(ПМФЛ), најмногу внимание предизвикува дуелот помеѓу последно пласираните екипи на табелата. Работнички и Шкендија важеа за големи фаворити пред почетокот на сезоната, но и двата тима одиграа катастрофално во воведните четири дуели и се најдоа во незавидна ситуација.

„Романтичарите” со само една остварена победа се на деветтата позиција, додека последнопласираните тетовци имаат само едно реми и еден бод на своето конто. Голманот на Работнички Даниел Шишковски верува дека неговата екипа е кадарна да дојде до триумф во Тетово и со тоа да се стави крај на лошата резултатска серија.

– Шкендија е квалитетен тим, актуелен првак е иако не ја започна најдобро оваа сезона. Сигурно дека ќе сака брзо да го подобри пласманот. Но, и ние имаме свои планови и се надеваме дека ќе успееме да оствариме позитивен резултат – вели Дамјан Шишковски.

Во преостанатите дуели се среќаваат: Македонија ЃП – Борец, Шкупи – Силекс и Вардар – Струга Трим и Лум. Лидерот на табелата Академија Пандев, во петокот го пречека пред своите гледачи тимот на Ренова.

Двојки за 5. коло ПМФЛ:
Шкендија – Работнички (15 ч.)
Шкупи – Силекс (15.30 ч.)
Македонија ЃП – Борец (15.30 ч.)
Вардар – Струга Трим-Лум ((15.30 ч.)