„Фанк шуи“ закажаа втор концерт во Кино Фросина
Една од најпрогресивните македонски музички групи „Фанк Шуи“ на својот официјален инстаграм-профил во очи распродадениот концерт по повод концертната промоција на нивниот трет студиски албум „Никогаш пак“ на 31 март во „Дансинг салата“ во МКЦ, најавија и втор концерт.
„Во очи распродадениот концерт, за сите вас кои не успеавте да купите карта – објавуваме уште еден, овој пат поблиску едни до други. „Sit Down“ концерт во Кино Фросина. Карти во продажба од денес (30 март) 10:00ч по цена од 500ден“ – стои во официјалната објава на бендот.
View this post on Instagram
Досега, бендот има издадено два албума – „Етер“ во 2012 година и „R.E.M“ во 2015 година. Во периодот помеѓу двата албума, бендот го издава синглот со наслов „Огледала“, кој подоцна се наоѓа на вториот албум. По издавањето на вториот албум ја снимаат песната „Архетип“, која добива и свој видеозапис. Овој сингл е најсофистицираното и најсозреано дело на бендот.