Европски страв од „нова зависност“ поради евтиното руско жито Русија
Европската унија ги предупреди земјите во развој дека Русија нуди евтино жито за „да создаде нови зависности, влошувајќи ја економската ранливост и глобалната несигурност во храната“. Високиот претставник на ЕУ за надворешна политика и безбедност, Жозеп Борел, испрати писмо до земјите во развој и Групата 20, барајќи од нив „да зборуваат со јасен и обединет глас“ за да ја охрабрат Москва да се врати на договорот за жито што овозможи безбеден извоз. на украинско жито преку Црното Море.
„Цинична политика на користење на храната како оружје“ „Додека светот се соочува со прекини во снабдувањето и повисоки цени, Русија сега им приоѓа на ранливите земји со билатерални понуди за снабдување жито по намалени цени, преправајќи се дека решава проблем што го прави“, напишал Борел во писмото што го видел Ројтерс, пренесува АлЏезира Балканс. Според него, тоа е „цинична политика на намерно користење на храната како оружје“.
Русија го напушти договорот за жито минатиот месец, велејќи дека нема да го обнови договорот додека не се исполнат делови од договорот кои се однесуваат на обврските кон Москва.