Кошаркарите на Реал се првите учесници на фајналфорот во Евролигата, кој годинава ќе се игра во Белград, Србија.

Реал и во третиот меч го совлада Макаби и така на најубедлив начин стигна до пласман на завршниот турнир. „Кралевите“ во третиот натпревар славеше со резултат 87:76.

Шпанскиот гигант беше подобар од почетокот, а Израелците крајно скапо ја платија лошата и неинволвирана игра во одбраната, па по две победи на домашен терен, Мадрид славеше и во Тел Авив.

Реал можеше да си дозволи многу бавна последна четвртина, во која не се истакна во шутот, но и не дозволи Макаби да замавне и да стигне.

Серхио Љуљ беше најефикасен во триумфот со 18 поени и шест асистенции, а на спротивната страна во тимот на Макаби Вилбекин постигна 22 коша.

Анадолу Ефес славеше дома против Олимпиа Милано со 77:65 и поведе со 2:1 во серијата.