Претседателот на Турција, Реџеп Таип Ердоган, придружуван од многу министри и високи државни претставници, отпатува во рускиот главен град Москва за одржување на осмиот состанок на Високиот совет за соработка меѓу Турција и Русија.

„Нашата соработка со Русија е сè поголема и сè повеќе се зајакнува. Продолжуваат нашите состаноци на Високиот совет што го воспоставивме во 2010 година и има институционален карактер.“, изјави Ердоган во неговото обраќање на аерордромот „Ататурк“.

Ердоган истакна дека за време на неговата посета на рускиот претседател Владимир Путин, ќе се разгледуваат глобалните и регионалните прашања, но пред сè ќе се разговара за сириското прашање.

Турскиот претседател ја коментираше и изјавата на израелскиот премиер Бенјамин Нетанјаху кој вети дека по изборите во Израел ќе го анектира Западниот брег. „Сè што прави Нетанјаху е спротивно на меѓународното право, сè што направија тие од 1948 година до денес, сè е незаконски и спротивно на одлуките на ОН. Западен брег е на Палестинците и ние ќе продолжиме да бидеме со палестинците како што бевме и досега.“ истакна Ердоган.

Осврнувајќи се на случувањата на локалните избори во Турција, Ердоган рече дека има многу нерегуларности, но последната одлука ќе ја донесат Врховната изборна комисија и судот.