Европската комисија постигна договор со фармацевтските компании „Рош“ и „Мерк“ за испорака на експериментални лекови.

Овие медикаменти може да се употребат за лечење на пациенти заболени од Ковид – 19, пренесува „Ројтерс“ повикувајќи се на анонимен извор од Комисијата.

Комисијата се согласила на договор за набавка на лековите тоцилизумаб на „Рош“ и ребиф на компанијата „Мерк“ во количини потребни за да бидат покриени сите 27 држави членки на ЕУ кои се подготвени да ги купат, вели истиот извор кој за агенцијата тврди дека е упатен и запознат со овие прашања.