Претседателот на Собранието Талат Џафери денеска треба да се сретне со координаторите на пратеничките групи, а една од темите ќе биде за тоа како и на која собраниска комисија би бил презентиран Договорот со „Бехтел и Енка“ за изградба на Коридорите 8 и 10д пред оние пратеници имаат безбедносен сертификат.

По тврдењата на Владата дека Договорот не може да се презентира бидејќи се класифицира со „доверливо“, пратениците од политичката партија ВМРО-ДПМНЕ кои поседуваат безбедносен сертификат на 19 април испратија писмено барање до премиерот Димитар Ковачевски да им го достави на увид Договорот.

Минатата недела Ковачевски информираше оти е прифатено барањето, а согласноста ја испратил и во Собрание.

Од опозицијата коментираат дека пратениците со безбедносен сертификат соглансо Устав и закон имаат пристап до сите документи кои се назначени со „државна тајна“.