Другото лице на Бејл: Вонземјаните постојат, некој ги крие од нас
Велшанецот во разговор за официјалната интернет страница на Тотенхем потврди дека е поинаков од останатите соиграчи.
Актуелниот фудбалер на Тотенхем и на велшката репрезентација, Герет Бејл, се смета за чуден лик во светот на фудбалот, со сопствени сфаќања и однесување кое е поинакво од останатите играчи.
Тој иако седум години беше дел од Реал Мадрид, познато е дека немаше близок однос со соиграчите, а воопшто не покажа желба да го научи и шпанскиот јазик и тоа причини кои му се познати само на него.
Дека Бејл е поинаков од останатите фудбалери покажа и во последниот разговор за официјалната интернет страница на Тотенхем, тврдејќи дека вонземјаните постојат.
– Нормално дека постојат теории на заговор, но исто така и постојат снимки од НЛО кои ги објавуваше владата на САД. Дали се лажни тие видеа? Не, сигурен сум дека постојат, јас лично видов неколку такви објекти. Исто така знам дека постојат и вонземјани, но некој ги крие. Можно е тоа да го прават владите на големите земји, но постојат. Убеден сум во тоа – изјави Бејл.