Се проценува дека бројот на починати пациенти како последица на коронавирусот во Велика Британија би можел да биде помеѓу 7.000 и 20.000 лица, по преземените мерки за спречување на ширење на заразата, изјавува Нил Фергусон, професор на Лондонскиот Империјал колеџ. Сепак, директорот на британската здравствена организација смета дека доколку починат „само“ 20.000 луѓе, тоа би претставувало успех.

Фергусон, кој е еден од авторите на владините мерки за заштита, во интервју за BBC изјавил дека според експертите „бројот на мртви би можел да ја достигне цифрата од 20.000 жртви или нешто повеќе.“

„Во случајот на Велика Британија постои експоненцијално растечка крива на бројот на заразени, која во одреден момент успеавме да ја сопреме со нашите активности“ додава британскиот епидемолог. Според Фергусон, во моментот нема можност да се провери колку точно луѓе се заразени со вирусот. Се’ уште се чека на резултатите од тестовите, а дотогаш се располага само со проценки.

Според Фергусон има знаци дека карантинот значајно придонел за успореното ширење на вирусот, како и дека зенитот на бројката на заразени се очекува во наредните седум до десет дена.

„Сега, од клучно значење е колку ќе успееме да ја намалиме брзината на ново заразени пациенти, а се надевам дека е ќе успееме во тоа фактот што бројката на нови пациенти опаѓа. Тоа главно зависи и од успехот на мерките кои ги преземавме.“

Стивен Поус, доктор и директор на британската здравствена организација, минатата недела изјавил дека доколку крајниот резултат на жртви на овој вирус се ограничи на 20.000, тоа би претставувало успех.

Британскиот премиер Борис Џонсон изјави дека Велика Британија ќе го „победи“ корона вирусот доколку луѓето ги следат владините мерки и останат во своите домови.

Министерот за здравство Мет Хенкок во интервју за ББЦ изјави дека Британија ќе мора да уведе додатни ограничувања за движење доколку не се следат препораките на владата и установениот карантин.

„Во моментов голем дел од граѓаните се придржуваат до мерките на владата, но и мало кршење на правилата би значело дека вирусот би можел да се прошири. Во тој случај владата би морала да преземе додатни мерки“ изјавува Хенкок.