Популарниот пејач Дино Мерлин наскоро ќе одржи концерт во Ниш, а додека публиката чека да ги чуе некои од неговите најубави песни, на репертоарот на уметникот се наоѓаат и забранети песни што тој повеќе не сака да ги изведува, пишува „Б92“.

Имено, Мерлин бил гостин во поткастот „Балкаст“, и решил да зборува за албумот издаден во 1993 година.

На албумот „Свједок“ меѓу другото се и песните „Може ли се у рату“, „Војник срече“, „Мостарска“, „Корак до слободе?“, како и патриотската песна „Да те није Алија“.

Оваа песна сè уште е предмет на многу јавни шпекулации, а едно време се сметаше за озлогласена. Пејачот објасни дека албумот е издаден без негово знаење и дека тој не го признава тоа.

„Тоа е мојот непосакуван албум и не го признавам. Нелегален е, бидејќи човек кој е целосно надвор од оваа приказна сакал да го искористи и да го претвори во пари, а бил испечатен без мое знаење“, објасни Мерлин.

Како што тврди, ова биле демо снимки што ги направил во подрум во Швајцарија додека чекал виза и таа евровизиска приказна.

„Работев во тоа студио околу три или четири дена. Бев продуктивен, снимив неколку песни, мислев дека треба да се работи на тие демо снимки, но тој ги објави без мое знаење“, рече Мерлин во поткастот „Балкаст“ и повторно додаде:

„ Значи, тоа е албум што не го препознавам и не е дел од мојата дискографија.“