Познатата адвокатка и глумецот во Њујорк ја прославиле петгодишнината од нивниот брак во друштво на своите пријатели Синди Крафорд и нејзиниот избраник Ренди Гербер, а многумина го коментираа модниот несклад на познатиот пар.

Амал изгледала како милион долари, а Џорџ, па не баш.

Џорџ и Амал се венчаа пред пет години, откако светската јавност со години веруваше дека згодниот глумец ќе остане засекогаш неженет. Сепак, шармантната Амал успеа да го освои неговото срце, па еден од најпосакуваните мажи на светот стана вистински семеен човек.

Прославата на нивната годишнина помина мирно – парот ја прослави со вечера заедно со нивните најдобри пријатели Синди Крафорд и нејзиниот партнер.

Амал за оваа прилика одбрала елегантни кожни панталони со црна боја кои ги комбинирала со чипкаст бел топ, а сето тоа надополнето со плик-ташна и едноставни црни салонки, едноставен накит, суптилна шминка, поради што аутфитот повеќе дојде до израз.

Од друга страна нејзиниот сопруг изгледаше како многу да не се потрудил – облекол фармерки, кошула со кратки ракави и чевли од превртена кожа.

Погледнете како изгледаа.