Деспотовски: Заев е искусен политичар, оставката не е емотивна реакција

Јован Деспотовски во гостување на Канал 5 / 2 ноември 2021 / фото: Канал 5/принтскрин

Најавата за оставка од премиерот Зоран Заев е личен чин кој апсолутно го поздравувам, рече директорот на ТИРЗ и член на СДСМ, Јован Деспотоски, во вечерашното гостување на дебатната емисија „Само вистина“ на телевизијата Канал 5.

Според него, тој верува дека одлуката за брзо време ќе биде спроведена.

-Треба да се даде малку простор, но не очекувам дека ќе се чека до декември, рече Деспотоски.

-Toj e искусен политичар, не верувам дека е емотивна реакција. Верувам дека било тешко. Чувството на политичка одговорност е лично чувство. Не ја коментирам дали е исправна или не, но отвора простор за дискусија што понатаму. Не мислам дека ќе имаме Б или Ц сценарио, ставот на Заев беше јасен, вели Деспотоски.