Црногорскиот пејач Бојан Томовиќ хоспитализиран, се обидел да се самоубие
Црногорскиот поп-фолк пејач Бојан Томовиќ е хоспитализиран, откако се обидел да се самоубие. Причината за овој настан е неговата повеќегодишна борба со тешката депресија, пренесуваат српските медиуми.
Од српски „Телеграф“ го контактирале Бојан, за да ги дознаат деталите, па тој потврдил дека веќе неколку дена е во болница, во тешка психичка состојба, поради депресијата и биполарното растројство.
„Депресијата се врати, па се пријавив на електромагнетна стимулација на мозокот, кога веќе не помагаат антидепресивите. Сега се обидуваат со блага струја да го индуцираат хормонот на среќата, бидејќи биполарното растројство е хормонална нерамнотежа на мозокот. Во болница сум неколку дена и се надевам дека наскоро ќе биде подобро и наскоро ќе излезам“, изјавил Бојан за „Телеграф“.
Да потсетиме, Бојан веќе 11 години живее со депресија и биполарно растројство, а пред неколку години, како што објавија тогашните медиуми, тој се обидел да си го одземе животот, но, за среќа, бил избегнат трагичен исход.
На Бојан уште во 2005 година му предвидуваа блескава кариера, откако испеа неколку хитови. За жал, наместо да доживее слава, тој мораше да се повлече поради неговата здравствена состојба.