Претходно беше објавено дека Судот за спортска арбитража му ја намали казната на лондонскиот клуб кој ќе може да ангажира нови фудбалери уште во јануари.

Веднаш почнаа шпекулациите за нови можни трансфери на „Стемфорд Бриџ“, поточно главна цел ќе биде да се најде „замената“ за Еден Азар кој до минатата сезона беше лидер на лондонските „сини“, а од оваа е дел од Реал Мадрид.

На „мета“ веќе имаат неколку играчи, а според британскиот „Сан“ овој клуб најмногу покажува интерес за Усман Дембеле од редовите на Барселона.

Chelsea ‘meet with agent of Barcelona star Ousmane Dembele’ as Lampard looks for winger when transfer ban ends https://t.co/kU2Gac5ngy

— Eric The Red (@millerman14) December 7, 2019

На Французинот не му оди најдобри на „Камп Ноу“ каде што стигна за 140 милиони евра од Борусија Дортмунд.

Се повреди повторно и на теренот ќе се врати во јануари, но и покрај тоа Челзи посакува за 100 милиони евра во зимскиот преоден рок да ги обезбеди неговите услуги.

А со тие пари и Барса би можела повторно да го „активира“ интересот за враќање на својата поранешна ѕвезда, Нејмар. Но, и прашање е дали Дембеле навистина посакува во овој момент да го напушти каталонскиот гигант.