МЗТ Скопје вчера ја информираше јавноста дека натпреварот против тимот на Чаир беше прекинат на полувремето поради инцидент во кој неофицијални лица ги нападнале тренерот и кошаркарите на клубот од Аеродром. Но, домаќинот на натпреварот излезе со сосема поинакво сооопштение.

Во соопштението по повод прекинот на дербито од 20. коло во салата „Шабан Трстена“, Чаир тврди дека немало инцидент и дека атмосферата била одлична.

„Одличен натпревар со одлична атмосфера, полна сала и вечер која долго ќе остане во нашето сеќавање бидејќи се потврди дека Чаир е храм на спортот. Кога во прашање се лажните информации кои се појавија во јавноста целосно демантираме. Натпреварот се снима од сите агли и од многу медиуми. Таканаречениот „инцидент“ е измислен е од противничкиот тим во моментите кога губат, тие објавија нереални работи. Гарантираме дека немаше физички контакт во ниту еден момент“, стои во соопштението од тимот на Чаир.

Натпреварот беше прекинат на паузата помеѓу двете полувремиња бидејќи кошаркарите на МЗТ во страв за својата безбедност одбија да се појават на теренот.

Прекинат мечот во Чаир, нападнати тренерите и кошаркарите на МЗТ Скопје Аеродром