Бутел Скопје ги дозна можните ривали за второто коло во Лига Европа
По завршувањето на натпреварите од првото квалификациско коло во Лига Европа, Европската ракометна федерација (ЕХФ) ги објави шеширите пред жрепката за второто коло која ќе се одржи во вторник (6 септември) со почеток од 11.00 часот во Виена, Австрија.
Е. Пелистер 2 не успеа да ја помине првата пречка откако беше елиминиран со два порази од австрискиот клуб Алпла Хард.
Бутел Скопје има шанса со два натпревари да испише историја и стане втората македонска екипа во групната фаза во која веќе се наоѓа првиот тим на Е. Пелистер.
Бутелчани се сместени во првиот шешир како носители, а во истиот се наоѓаат уште Флензбург, Бидасоа Ирун, Гепинген, Спортинг, Монпеље, Азоти-Пулави, Скандерборг-Архус, Бенидорм и Фејер Б.А.Л Веспрем, Стеауа Букурешт и Белененсеш.
Можни ривали на Бутел Скопје во второто квалификациско коло на Лига Европа се: Агуас Сантас Миланеза (Португалија), ММТС Квидзин (Полска), Бјерингбро-Силкеборг (Данска), Савехоф (Шведска), Алпла Хард (Австрија), ФТЦ (Унгарија), Шамбери (Франција), Кристианштад (Шведска), Колстанд Хандбал (Норвешка), Амичитиа Цирих (Швајцарија), Лемго (Германија) и Нексе (Хрватска).
Првите натпревари од втората рунда ќе се играат на 27 септември, а реванш средбите на 4 октомври.
The #ehfel Qualification Round 2 draw will take place in Vienna 📍 tomorrow at 11:00 CEST.
📺 WATCH it LIVE: https://t.co/kilh7vBdoU
🔗 READ the preview: https://t.co/tOmg8cVn5y pic.twitter.com/o16Md1GWk1— EHF European League (@ehfel_official) September 5, 2022
