Бубевски: Го држат СЈО во вештачка кома
Обвинителот од СЈО, Гаврил Бубевски, денеска ги коментираше анкетите кои покажуваат пад во довербата кај јавноста кон Специјалното јавно обвинителство.
– Разбирливо ми е ова затоа што и законодавецот и општеството во овој момент го држат СЈО во некаква вештачка кома. Со одлуката на Врховен суд со непостапувањето и по едно од обвиненијата во судот, се осеќа дека одлуката на Врховен си нашла свој пат и во овој момент освен судење за тие обвиненија што сме ги поднеле во рокот, ние освен документација што прибираме, други наши активности нема и со самото тоа нормално е луѓето да немаат доверба во нашата работа. Ама тоа многу брзо ќе се крене само да ги добиеме можностите – изјави Бубевски.
Обвинителот Бубевски рече дека не е исклучена можноста Катица Јанева да остане на чело на СЈО како вршител на должност о по истекувањето на нејзиниот мандат во септември. Истакна дека не гледа никој друг јавен обвинител кој би можел да биде вршител на должноста.
– Толкувајќи го законот за Јавно обвинителство, не е заврането да имаме вршител на должност на чело барем додека е во сила актуелниот закон, односно така да се предводи СЈО уште една година – рече Бубевски.