Лепа Брена е видена во еден ресторан во Белград во друштво на фудбалерот Душко Тошиќ, кого, како што пишува Хајат, во таа прилика се обидувала да го „вразуми“ за да го спаси неговиот брак со Јелена Карлеуша.

Наводно Душко сè уште не се откажал од разводот, а Брена мисли дека треба да му дадат шанса на бракот и покрај сите непријатности што им се случиле. Таа досега неколкупати се слушнала, а сега и се видела со Душко за да го убеди дека разводот не е решение и дека треба да ја победат кризата.

„Брена му признала на Тошиќ дека и таа и Боба имале несогласувања во бракот, но не дозволиле тоа да им го расипе односот иако имало моменти кога запаѓале во критични кавги“, раскажал изворот и додал дека пејачката му открила на фудбалерот и некои интимни работи.

„Таа му открила и дека луѓето често зборувале дека Боба ја изневерува. Во еден момент му рекла дека би било убаво сите заедно да отпатуваат во Опатија на бродот кај Саша Поповиќ.“

На крајот Брена ги спомнала и ќерките на Душко, па тој видно се растажил.

Како што кажува изворот, Брена му рекла дека Јелена е добра мајка и дека треба уште еднаш да размисли дали сака да го напушти семејството.

Тошиќ со насолзени очи велел дека децата му се најважни во животот и дека поради нив е подготвен на сè.

Душко го напуштил ресторанот видно нерасположен.