Кина треба да размисли за потезите што ги прави во однос на настаните во Хонг Конг, рече советникот за национална безбедност на Белата куќа Џон Болтон.

Во изјава за Гласот на Америка Болтон вели дека „се уште постои свежо сеќавање на репресијата на кинеските власти на плоштадот Тјенанмен и крикот на кинеските граѓани за слобода и демократија”.

Запрашан дали САД имаат намера да направат нешто во врска со ситуацијата во Хонг Конг, поранешна британска контролирана колонија до 1997 година, град кој со месеци протестира против властите блиски до официјален Пекинг, Болтон повика на намалување на тензиите.

– Знаете дека Кина ги обвини САД за предизвикување на тие демонстрации. Демонстрантите ги поврзаа со нас и истовремено објавуваа лични информации за нашите американски дипломати во Хонг Конг. Потребно е со тоа да се прекине, рече Болтон.