Кралот Чарлс Трети има некои многу специфични навики без кои не може да го замисли секојдневниот живот.

Тина Браун, авторка на книгата „Документи на палатата: Внатре во куќата на Виндзор“, објавена на почетокот на годината, меѓу другото, открива дека најстариот син на кралицата Елизабета Втора, кога оди нагости кај пријателите, задолжително носи специјален хигиенски прибор, како и специјално мартини.

Во Бакингемската палата заедно со него пристигнале и ортопедски кревет, даска за ВЦ-школка и тоалетна хартија. Чудните ритуали, кои многумина би ги нарекле бизарни, го следат уште од детството.

Поранешниот помошник на Чарлс, Мајкл Фосет, ѝ рекол на Браун дека на патувањата секогаш го носел своето омилено кадифено мече во пластично ќесе за да не се оштети играчката. Има и слуга кој секое утро на четкичката за заби му истиснува паста за заби во должина од точно два и пол сантиметри.

Пол Бaрел, поранешен батлер, открил дека пижамите на Чарлс мора да се пеглаат секое утро веднаш штом ќе се разбуди, дека врвките мора да му се вадат од чевлите по секое носење и да се ставаат под железна преса за да се исправат и дека температурата на водата во неговата бања секогаш мора да биде иста.

Изворите велат дека кралицата Елизабета Втора не била баш благонаклонета кон необичните навики на Чарлс…

Кралот Чарлс е во обиколка на нацијата во жалост, пристигна во Северна Ирска

ВИДЕО: Кралот Чарлс ја предводеше погребната поворка, ковчегот на кралицата Елизабета положен во катедралата во Единбург

РЕТРО ФОТОГРАФИИ: Првата посета на кралот Чарлс III на Македонија