Киното Синеплекс во Скопје одржува проекции на познати опери и балетски претстави како дел од својата програма и со тоа ја збогатува културната понуда во градот.

Билјана Јанкуловска од маркетинг одделот на киното во „Утрински брифинг“ на „Слободна ТВ“ најави дека на 29 февруари ќе биде прикажана операта „Агрипина“ во изведба на Метрополитен операта во Њујорк, а на 14 март, на програмата на „Синеплекс“ публиката ќе има можност да ја види операта „Летечкиот Холанѓанин“.

Од балетските претстави во „Синеплекс“, на 23 февруари ќе биде прикажана претставата „Лебедово езеро“ во изведба на Бољшој театарот во Мосва.

-Овој дел од програмата на „Синеплекс“ не го работиме заради профит, туку го нарекуваме проект за душа- рече Јанкуловска во „Утриски брифинг“ на „Слободна ТВ“.