Раководителот на Одделот за соработка во Европската делегација, Никола Бертолини денеска беше во посета на Општина Гостивар, каде оствари работна средба со градоначалникот Арбен Таравари.

Од службата за информирање на општината наведуваат дека Таравари на средбата го информирал Бертолини за работата во локалната самоуправа. При тоа, Таравари ги истакнал достигнувањата и предизвиците со кои се соочува Општина Гостивар во изминативе три години.

Беротилини во разговорот го известил градоначалникот за јавните повици кои се однесуваат на ИПА фондовите и можностите Општина Гостивар да се пријави на нив. Меѓу другото, тој посебно ги акцентирал проектите поврзани со подобрување на статусот на ромската заедница.

На средбата покрај поблиските соработници на градоначалникот присуствуваа и претставници на ромската заедница која живее во гостиварската општина.